Cadencias na alimentación

Ao redor de 13,2 millóns de persoas necesitan axuda de emerxencia xa que a situación alimentaria na rexión das nacionalidades e pobos das Nacións do Sur (SNNPR) é crítica. A resposta dos doadores aos recentes chamamentos de axuda de emerxencia foi extraodinarioa e conseguiuse evitar unha catástrofe humanitaria de enormes dimensións, afirma a FAO. Estas axudas permitiron distribuír sementes de cereais, aínda que nalgunhas zonas non chegaron.

A FAO solicitou xa 7,7 millóns de dólares adicionais para proxectos de sanidade animal, cultivos forraxeiros e abasto de sementes para cultivos non cereais. "Financiar estes proxectos é esencial para reforzar a capacidade e a autosuficiencia dos agricultores e pastores máis vulnerables e conseguir que dependan menos da axuda alimentaria", asegura Anne M. Bauer, xefe da Dirección de Operacións de Emerxencia e Rehabilitación da FAO.

Na SNNPR propáganse ademais enfermidades do gando como a nacida bacteriana, a podremia do pezuño, a septicemia hemorráxica dos bovinos e ovinos, que representan unha ameaza para outras rexións e mesmo para os países veciños. Os dispensarios veterinarios nas zonas rurais están mal equipados para as campañas de vacinación. Por iso a FAO propuxo o reforzo dos dispensarios e a formación do persoal veterinario.

Segundo a FAO, hai que distribuír, onde sexan necesarias, as vacinas para protexer os animais contra as enfermidades. Outro dos grandes problemas é a seca, que provocou a morte de numerosos animais de granxa nas zonas de pastoreo. Para previr esta situación a FAO ten previsto crear bancos de forraxe para alimentar aos animais en caso de seca e durante as tempadas secas. En total, a FAO quere distribuír máis de 3 millóns de gallos de batata e sementes hortícolas aos agricultores máis pobres na SNNPR.

Segundo a FAO, a inseguridade alimentaria en Etiopía é crónica e depende principalmente de causas estruturais e da pobreza e empeora coas catástrofes periódicas de orixe natural ou humana.

Fuente: Etiopía sigue sufriendo escasez de alimentos